· كهوێ · پهیوهندی · دراوسێكان · فۆنت ·
كڕیسمهس و ساڵی تازه و جێژنی سهری ساڵ له ههمووتان پێڕۆز بێ.
( بهشی یهكهم )
چهند ڕۆژ لهمهو بهر بۆ سهڕهخۆشی لهگهل هاوڕێهكانم چووبووین بۆ دیانا، باوكی بڕادهڕێكمان ئهمڕی خوای كردبوو، ههواڵم پێ گهیشت و قهرار دڕا بێین بهدوام و لهمهسیفهوه بهڕهو دیانا بهڕێ بكهوین.
ئهو ڕۆژ كهش و ههوایهكی خۆش زاڵ ببوو بهسهر سروشتی ئهم بهشهی كوردستان، ئهویش لهدوای چهند رۆژ سهرما و باران. چاوهڕێم كرد تاكو هاوڕێهكانم گهیشتنه ڵام، تهكسییهكیان گرتبوو بێزت دههات سوار ببی، شۆفێڕی تهكسییهكه زۆر سهیر هاته بهر چاوم، سێمێڵێكی ههبوو بهقهد ههموو ئهو سێمێڵانهی تاكو ئێستا بینیبووم ( شتی وا ههر نهبوو ) شهرمم دهكرد سوار ببم و هیچ ڕێگهی تڕیش نهبوو و دهبوایه ههر سوار ببم، ناوی خوام هێنا و چوومه پێشهوه، له پشتهوه جێ نهبوو و دوو هاوڕێم ( ئافڕهت ) و دایكی یهكێكیان پاڵیان دابوو دیار بوو له ههولێر تاكو ئێره له ناو ئهم تهكسییه پشتیان شكابوو، كاك ئومهری هاوڕێم هاته پێش و له تهنیشت من دانیشت ( خۆی فڕی دایه سهر شان و ملم ). وام دهزانی من قهلهوم بهڵام به دانیشتنی ئهو ههستم كرد من مێرۆڵهمه له چاو ئهو، بێ یهك و دوو پێش قهمهڕهكهم ڵێ ببوو به جهههنهم ئهوهنده تهسك بوو، كابڕا زلهكهو سێمێڵهكهشی ههر ههناسهی لێ بڕیبووم.
سهیاڕه ڕێی گرته بهڕ و به ڕێ كهوتین، ئهوهندهم زانی لهدوای چهند چڕكهیهك چۆن پێ لهناو پێڵاوی تازه جێ دهكاتهوه، جێمان بووهوه ههناسهم هاتهوه سهرخۆ، مهودای ناوبهینی مهسیف و كۆڕێ كه به لۆفهكانییهوه وهكو ماڕ دههاته بهر چاوم پڕ ببوون له جۆرهها سهیاڕهی ڕهنگاوڕهنگ كه له نۆڕه و سێڕهی بهنزین ڕاوهستابوون. ههر چهنده من سهیارهم نییه، بهڵام لهناخمهوه ههناسهیهكی ساڕدم ههڵكێشا و بیڕم یهكسهڕ له نهبهزی زاوای پۆڕم كردهوه، ئهوێت: دهڕۆم له بازاڕی ڕهش بهنزین دهكڕم بهڵام چهند كاتژمێڕێك له كاتم ڵێره نادهم به فێڕۆ،
ناو و دهڕهوهی سهیاڕهكه جیاوازییهكی ئهوهای نهبوو و سهرما بوو كه به دڵی خۆی دهستی بهسهر دونیا و بنیا داگڕتبوو، به حیزی چاوی لێم دهقوچاند، منیش لهناو بهینی شۆفێڕ و كاك ئومهر جێم خۆش كڕدبوو و گوێم نهدهدایێ، سهیارهكهمان له لۆفهكان وهكو داشقهیهك وڕده وڕده دههاته خواڕێ و قڕچه قڕچی ڵاشهكهی دهیقیژاندوو و نازانم له كێ دهپاڕایهوه. كهسمان دهنگمان لێ نهدههات و شۆفێڕیش داڵغهی دابووه شوێنێكی دوور و لهوێ بۆ خۆی ون ببوو.
عهزیزی ( خێزانهكهم وا بانگ دهكهم ) سهر لهبهیانی تهلهفۆنی بۆ كڕدم و وتی: فهرهادی هاوڕێ كۆڵێژم، باوكی ئهمڕی خوای كردووه و تازییهكهیان له مزگهوتێكی دیانایه و خۆشم تهواو نیم و ناتوانم بڕۆمه سهرخۆشی، دهزانم حهزیشت لهسهرخۆشی و مهرخۆشی نییه، بهڵام لهبهر من بڕۆ با نهبێته عهیبه، منیش به مڵی شكاوهوه وتم: باشه دهڕۆم بهسهر چاو.
ئێستاش لهبهڕ ئهم پاڵهپهستۆیهی له ههر دوو ڵایهوه تهنیشتهكانم ئازار دهدات، چاوه جوانهكانم خێل بووه و پێكهنینم به خۆم دێت، با بێمهوه عهزیزی بۆت دهژمێڕێم، خهمت نهبێ.....
لێره و بۆ ئێمه بڕینی كارهبا شتێكی ئاسائیه و لهگهڵی ڕاهاتووێنه، زۆر جار ههیه كارهبامان نییه و له تاریكی به ئیش و كارهكانمان ههلدهستین، چاویشمان رهش ههڵاتووه و ئێستاجیاوازی ناوبهینی ڕهش و ڕهنگكانی تر واتایهكی وای نهماوه.
بهڵام هێشتا ئهم باسه بۆ مناڵهكان وهكو " شهولهبان" نهتهنیا جێی ترسه تهنانهت دهبێته هۆی تۆقانیشیان، لهگهل ئهوهشدا ئهوهی گرنگه شێوهی ماملهكردنی دایك و باوكهكانه له كاتی بڕینی كارهبا كه به داخهوه زۆرجار به پێچهوانهی مهبهستی سهرهكییان، دهبێته هۆی شێواندنی زیاتری مناڵهكان.
سرۆشتی زۆربهی زارۆك و مناڵ و مێرمندالهكان له كاتی تاریكی، ترسه و ئهم ههسته له ناخی مرۆڤ به تایبهتی ئهوانهی تهمهنیان كهمه، ههیه و ئاسائییه.
بهڵام مهخابن بۆ زۆربهی دایك و باوكهكان كه نازانن دهبێ له كاتێكی ئهوها چۆن مامله بكهن.
یان لێیان دهدهن و یانیش لهسهریان دهقیژێنن و زیاتر دهیانترسێنێن.
به راستی بێجگه له لێدان ڕێگایتر نییه ؟
سڵاو...
ئهم چهند رۆژه زۆر مهشغولم...
دێم و بهردهوام دهبم....
یهك، دوو رۆژ بهس...
شهرمهزارم.......
هاوڕێیهكی خۆشهوێستمان بهتهمای ژن هێنان و زهماوهنده، داوای لێ كردووین بۆ سهر كارتی ژن هێنانی، دهقێكی جوانی بۆ بنوسم، زۆر بیرم كردوو و هیچم پێ نهكرا.
دوای سهر ئێشانێكی زۆر، ئهمهم نووسیوه:
ئاواتهكانمان ئاوێتهی یهكتر دهكهین و بۆنی خۆشی ژیانێكی ئاشقانه به بهژنی ڕۆژانی ئایهندهمان، وهك پهپوله بڵاودهكهین.
ئاسۆی ئهڤینی پر هیوامان له تیشكی به سۆزی چاوهكانتان دهڕازێتهوه.
زۆرم پێ خۆشه هاوكاریم بكهن بۆ جوانتر كردنی ئهم رهستانه.
هێشتا ماوه لهدایك بین....
هێشتا ماوه لهگهل ئێمهش ئهم وێبلاگه لهدایك بێ.....
هێشتا ئێمهش چاوهڕیینه.......
لهوانهیه ڕۆژێك بێت و ئهم جوانانه ههر دووكیان پێكهوه......
لهدایك بن......
لهوانهیه....
نیازمان وایه له باشوور ره وه بۆتان بنووسین.
